បើអ្នកចង់បោះបង់? ខ្ញុំមានប្រាំបីវិធីចែករំលែក!

ទំរំតែរកផ្លូវត្រូវឃើញ ត្រូវឆ្លងកាត់ផ្លូវខុសជាច្រើន បរាជ័យច្រើនលើក ច្រើនសារ ...​ពេលខ្លះបាក់ទឹកចិត្ត ពេលខ្លះចង់បោះបង់... តែដោយសារ ការទទួលខុស​ត្រូវ ចំពោះក្រុមគ្រួសារ និងឱពុកម្តាយ ..ក៍ខំប្រឹងបន្តទៀត ដូលងើបៗ .....ជីវិតគីបែបហ្នឹង គ្មានជោគជ័យឯណា ដែលបានមកដោយងាយៗនោះទេ។

#រឿងខ្លះយើងមើលទៅងាយ ព្រោះយើងមិនបានដឹងពីឬសគល់​របស់វា ដូចឈើ​មួយដើម​ ដែលយើងមើលមិនឃើញឬសគុល​ ឬសកែវ ដែលចាក់ជ្រោះក្នុងដីរបស់វា!

#ងាកមកប្រធានបទយើងវិញ

ខ្ញុំគិតថាទាំង Forex, Binary Option, Commodity, Gold ...មានឱកាស​ច្រើន​ណាស់ ដែលយើងអាចទាញប្រយោជន៍​ពីវាបាន ប៉ុន្តែវាមិនងាយៗនោះទេ ប្រសិនបើវាងាយៗ ប្រហែលគ្មានទេ​អ្នកក្រ ហើយប្រហែលគ្មាន​ទេអ្នកចង(ក) ឬលោតទឹកដែរ។

#ខ្ញុំមានបទពិសោធន៍ខ្លះៗដើម្បីចែករម្លែក

1. ត្រូវកំណត់គោលដៅផ្ទាល់ខ្លួនអោយបានច្បាស់៖ ចង់ចាប់អាជីព​ជា Trader? ឬយ៉ាងណា? បើជា Trader តើជា Trader ប្រភេទណា? Scalper? Day trader? Swing trader? Position trader? ត្រូវស្គាល់​ពីប្រភេទនៃ Trader, ហើយសួរខ្លួន​ឯងថា៖ តើអ្នកស្ថិតក្នុងប្រភេទណា? ព្រោះប្រភទ​និមួយៗ ទាមទារអោយ​មាន យុទ្ធសាស្រ្តផ្សេងៗគ្នា។ បើមិនទាន់ច្បាស់ខ្លួនឯងទេ កុំទាន់ចូលទីផ្សារ។

2.ត្រូវខំប្រឹងអភិវឌ្ឍន៍ខ្លួនជាប្រចាំ៖ ព្រោះធ្វើជា Trader ត្រូវមានចំណេះដឹង​ ទូរលំទួលាយ លើវិស័យខ្លួនឯង ត្រូវបង្កើតមូលដ្ឋានគ្រឹះផ្ទាល់ខ្លួន ហើយត្រូវចាំ អ្នកជាមនុស្សតែគត់ ដែល​ទទួលខុសត្រូវលើវាសនាខ្លួនឯង កុំត្រេតតាម​គេដោយខ្វះសុភវិនិច្ឆ័យ។ #បើអ្នកខ្ជិលរៀនអ្នកនឹងបរាជ័យ

3. កុំផ្លាស់ប្តូរយុទ្ធសាស្រ្តពីមួយទៅមួយ៖ ពេលខ្លះយើងសាកល្បងយុទ្ធសាស្រ្តមួយមិនសមតាម អារម្មណ៍ដែលចង់បាន យើងក៍ផ្លាស់ប្តូរ ហើយធ្វើរឿងដ៍ដែល​ជាដ៏ដែល ...ការពិត គ្មាន យុទ្ធសាស្រ្ត ឯណា ជោគជ័យ១០០%នោះទេ វាត្រូវការអនុវត្ត សាកល្បង ស្វែងយល់ អំណត់ សិក្សា អោយ បាន ច្បាស់​ពី ចិត្តសាស្រ្តទីផ្សារ ហើយសម្របខ្លួន​អោយត្រូវនឹងយុទ្ធសាស្រ្តដែល​សមស្រប​សម្រាប់ខ្លួនឯង។ #បង្កើតនឹងផ្តោតលើយុទ្ធសាស្រ្តតែមួយ​ដែលសក្តិសម​សម្រាប់អ្នកគឺគ្រប់គ្រាន់ហើយ។

4. កុំផ្តោតលើទីផ្សារច្រើនពេក៖ ការដែលត្រេត ពាសវាលពាសកាល មិនជោគ​ជ័យទេ។ បើអ្នកផ្តោតលើមាស សិក្សារនិងសម្រួចចិត្តតែរឿងមាសទៅ បើត្រេត Forex ជ្រើសរើសតែ៣ឬ៤ រូបិយប័ណ្ណហើយផ្តោតលើវាទៅ។ ការដែលយើងផ្តោត យើងនឹងអាចស្វែងយល់ពីទីផ្សារបានច្បាស់។

5.​​ កុំត្រេតច្រើនពេក៖ ខ្ញុំលឺថា អ្នកខ្លះគ្មានពេលវេលាអោយគ្រួសារ ដោយរវល់តាមដានទីផ្សារ ខ្ញុំគិតថា៖ វាចម្លែកបន្តិច​ បើរវល់ម្លឹងៗអ្នកនឹងកើតជំងឺផ្លូវចិត្តមិនខាន តាមបទពិសោធន៍ របស់អ្នកជំនាញ និងបទពិសោធន៍ផ្ទាល់ខ្លួនខ្ញុំ ចំណាយពេលត្រឹមតែពីរម៉ោងក្នុងមួយថ្ងៃ​ដើម្បីចូលទីផ្សារ ខ្ញុំចំណាយពេល១ម៉ោងដើម្បីសិក្សារពីព័ត៌មានទីផ្សារ សេដ្ឋកិច្ច នយោបាយ​ជាដើម (ខ្ញុំសិក្សាតែរូបិយប័ណ្ណដែលខ្ញុំត្រូវតេ្រតតែប៉ុណ្ណោះ)។ បន្ទាប់មក៣០នាទីខ្ញុំ ត្រូវរៀប​ចំសូចនាករ​ (Indicator) និងអនុវត្តយុទ្ធសាស្ត្រ ដើម្បីត្រៀមចូលទីផ្សារ តាមធម្មតា ខ្ញុំចំណាយពេល ៣០នាទី ឬ១ម៉ោងយ៉ាងយូរដើម្បីចូលទីផ្សារ។  ពេលវេលាដ៍ទៃទៀត ខ្ញុំអានសៀវភៅ​ ហាត់ប្រាណ ជិះកង់និងចំណាយពេលវេលាជាមួយ​មិត្តភក្តិ​និងគ្រួសារ​ជាដើម។

6.ត្រូវបង្កើតវិន័យផ្ទាល់ខ្លួន៖ ត្រូវមានផែនការហិរញ្ញវត្ថុនិងការគ្រប់គ្រងហានិភ័យច្បាស់លាស់៖ ការដែលគ្មានវិន័យគឺជាសត្រូវដែលធំបំផុតរបស់  Trader យើងត្រូវកំណត់អោយ​បានច្បាស់​ថា៖ ពេលណាគួរចូលទីផ្សារ? ពេលណាគួរចេញពីទីផ្សារ? និងត្រូវត្រេតដោយ​ផ្អែកលើ ផែនការហិរញ្ញវត្ថុរបស់យើង កុំត្រេត​តាមចិត្តចង់ ចៀសវាងការត្រេតច្រើនពេក (Overtrades) ដែលនំាអោយបរាជ័យ។

7.កុំលោភលន់៖ បើអ្នកលោភលន់ អ្នកនឹងបរាជ័យ អ្នកណាមិនចង់បានលុយច្រើន? តែការដែលយើងលោភលន់ វាហ្នឹងធ្វើអោយយើងបាត់បង់ម្ចាស់ការ បាត់សុភវិនិច្ឆ័យ ដែលនាំ​អោយបរាជ័យ។​

8. ត្រូវចេះគ្រប់គ្រងអារម្មណ៍៖ ការគ្រប់គ្រងអារម្មណ៍មិនងាយស្រួលទេ ជារឿងដែលពិបាក​បំផុត តែក៍មិនមែន ធ្វើមិនបានដែរ វាត្រូវការវិន័យផ្ទាល់ខ្លួន និងត្រូវរៀនធ្វើសមាធិ ដើម្បីពង្រឹង​សមត្ថភាព​ផ្លូវចិត្ត​​របស់​យើង ដោយធ្វើជាប្រចាំ១៥នាទី សមាធិជារៀងរាល់ព្រឹកបន្ទាប់ពី​ងើបពីគេង។

អត្ថបទ៖ ក្រុមការងារ BinaryFX.pro ភាសាខ្មែរ